RSS

Ainzoamhaid

AINZOAMHAID - (MP3 – 3,9 MB)

k Kin niks meer zain deur troanen in mien ogen
k Kin t sikkom nait leuven, mien haart is as stain
k Bin veul te troag om t op te geven
k Bin nog verblind om woarhaid te zain

Wie haren beloofd bie nkander te blieven
Wie waren kammeroaden, deur dik en deur dun
Doe was t mien laifste tot aan t ìnde der doagen
Op weg noar toukomst, vanòf t eerste begun

k Kon bie die schoelen in duustere doagen
k Kon mit die drinken, doe wast mien kroug
Voak ging t te haard zunder voart te mindern
t Was nooit te loat, t was voak te vroug

Kwamst noar huus, scheen veur mie de zunne
Mit die was mien wereld vol licht en vol gloud
Dien pallet vol woorden kleurden voak mien leven
En ook in stiltes, n vreedzoam gemoud

Wie hebben onze stried nooit eerlek streden
Bleven positief noar groot en noar klaain
Hebben noakte woarhaid, kloarhaid, zoveul meugelk meden
Wie bewoarden ons tröts, dat was te zain

Kwamst noar huus, scheen veur mie de zunne
Mit die was mien wereld vol licht en vol gloud
Dien pallet vol woorden kleurden voak mien leven
En ook in stiltes, n vreedzoam gemoud

k Wol mien löt nait uut handen geven
Dij brocht gelok en ook veul gewin
k Klamde mie vast aan t tegendail van t heden
n Zinloos gevecht, tegen beter waiten in

Twijduustere gevuilens en ainzoame nachten
k Droag mit weerde t grode verlais
Veul kloare herinnerns in n woas van gedachten
Blifst aaltied bie mie, n twijzoamhaid
Blifst aaltied bie mie, ainzoamhaid

eltje ©

Van de CD: Zoveul Vertellen

 
Een reactie plaatsen

Geplaatst door op 23 november 2014 in Eltje Doddema, Gedichten

 

Tags: , , , , ,

Afbeelding

Veur aaid

Originally posted on KOPSCHRABERIJEN:

Veur aaid

View original

 
4 reacties

Geplaatst door op 22 november 2014 in Gedichten

 

miskl-EU-nerij

Miskleunerij

konstruksies dij
nait maggen en
regels dij nait
deugen

ze frustreren n
gezonde aarbaidsmaarkt

politisi dij
nait deugen en
wetten dij nait
maggen

t is veurspelboar
dat t nait waarkt

eltje ©

 
Een reactie plaatsen

Geplaatst door op 22 november 2014 in Gedichten

 

Tags: , , , , , , ,

Afbeelding

(onw)IES

Onwies

 
Een reactie plaatsen

Geplaatst door op 22 november 2014 in Gedichten

 

Tags: , , ,

Management

Meer handen

meer handen
aan t nust

dat nuimen we
ondernemenslust!

eltje ©

 
Een reactie plaatsen

Geplaatst door op 22 november 2014 in Gedichten

 

Tags: , , ,

De leste Grunneger

Originally posted on KOPSCHRABERIJEN:

Leste grunneger

Op dit mement wordt ter in allerhaande varianten schreven. Schrievers en schriefsters doun heur best, mor foutloos is t allerminst en elk dut mor wat. Schrieven, in welke variant din ook, dragt doarom niks bie aan t streven om meer lu verantwoord mit de streektoal in aanroaken te brengen. En dit zol toch ainglieks ain van de doulstellens wezen mouten van de verschillende organizoatsies dij dounde binnen mit t Grunnegs. Woarom laaid je aans dosenten op, woarom richt je n op de grondschoulen gerichte website in, woarom organizeer je schriefwedstrieden, woarom hol je n Huus van de Grunneger Cultuur in stand en woarom heb je n streektoalfunksionoares?

De vroag of t ABG wel of niet wìnselk is mout volgens mie nait beantwoord worden vanuut historische inzichten mor vanuut d’ontwikkelns dij momenteel goande binnen. Veur de dudelkhaid: t gaait hierbie nait om de varianten in de spreektoal. Doar mout je gain…

View original 165 woorden meer

 
Een reactie plaatsen

Geplaatst door op 21 november 2014 in Gedichten

 

I love grunnen

I love grunnen

in de tied dat
t begrip rekommedaaiern
nog gangboar was
was t grunnegs nait
slim populair

mor zo stoadegaan
is men de schoamte veurbie
en is t gebruuk van
de streektoal nait meer
impopulair

ook rekloamemoakers
bruken t grunnegs mor
t ontbrekt heur voak
aan kennis van
streektoalzoaken

zo kin je joe aan
heul grunn bakt
en grunn bier noast
112 grunn en grunnfc
vergoapen

de locht boven
de grunneger wereld
is slim graauw en gries

en wat spellen betreft
verdaint mennegain
de poedelpries

eltje ©

 
Een reactie plaatsen

Geplaatst door op 21 november 2014 in Gedichten

 

Tags: , , , , , , , ,

 
%d bloggers op de volgende wijze: