RSS

Maandelijks archief: september 2013

Afbeelding

Tolerantsie

image

 
3 reacties

Geplaatst door op 30 september 2013 in Gedichten

 

Tags: , , ,

Afbeelding

Relatief

Relatief

 
Een reactie plaatsen

Geplaatst door op 29 september 2013 in Gedichten

 

Tags: , , , , ,

Burn out

IMG_1821

leven
van weekend noar weekend
in n neerwoartse spiroal
woarin vrijhaid n illuzie is

toukomst
verworden tot n slietoageproses
wordt zuver strak programmeerd
in n wereld vol duusternis

welwezen
ondergeschikt aan meten
wordt boegend en brekend
òfbrand tot op de bonken

systemen
woar kontroleren wegen is
holden liggoamen in iezern grepen
van obsezzies vol spelonken

eltje ©

 
1 reactie

Geplaatst door op 28 september 2013 in Gedichten

 

Tags: , , , , , , , , , , , , , ,

Afbeelding

Beven

Beven

Eerdbeven

 
1 reactie

Geplaatst door op 27 september 2013 in Gedichten

 

Tags: , , ,

Foto

image

veul ellìnde
in de wereld
vat je soamen
in beelden
van verwrongen stoal
en verminkte liggoamen

eltje ©

 
1 reactie

Geplaatst door op 26 september 2013 in Gedichten

 

Tags: , , , ,

Afbeelding

Laifde – 15

Laifde - 15

 
1 reactie

Geplaatst door op 25 september 2013 in Gedichten

 

Tags: , , , ,

Kaans

IMG_1836

Tegenwoordeg wordt ter van alles aan doan om lu bewust te moaken van t belang van gezond eten en meer bewegen. Dit aal in t koader van: wordt joen pokkel te koegelrond, din is dat aldernoarst ongezond. Ston in veurgoande joaren veuraal t “nait roken” sentroal en was doarveur n slogan as: Wil je dat roken gain dail meer uutmoakt van joen leven, din kin je de piep beter mor aan Meerten geven, tegenwoordeg worden der allerhaande kampagnes opzet om lu over te hoalen de snelle hap wat voaker stoan te loaten. Veul lu goan noamelk veul te zwoarwichteg deur t leven en dat mout je veuraal nait te licht opvatten. In Doebai en in de rest van de Verainegde Aroabische Emiroaten gingen ze zulfs zo wied, dat z’obesitas te lief gingen mit: ain dij van zien pokkel holdt, krigt per òfgevalen kilo n klompke gold.

Dat dut mie denken aan onze Grunneger toal. Dij vuilt de hette van t kremetorium ja al oardeg dichtbie. Zol t wat wezen om veur onze streektoal ook n kampagne op te zetten? Nou heb k zo nait paroat in welke vörm we dit gaiten mouten en mit welke leuze we de kampagne in de maarkt zetten kinnen. t Mout wel zin hebben, t mout toukomstgericht wezen en t mout n groot pebliek aanspreken. Wie hebben niks aan weeromkiekerij en studies over vergoane glorie. Doar kikt mien hond asmis nog even noar as e t bultje valen loaten het. Doarnoa trekt e zien neuze op en lopt deur.

k Heb ook nog nait op t netvlies stoan wat ter tegenover stoan mout as lu n biedroage levern. Sìnterij is der sikkom nait en veur n poar klompen kommen lu nait meer in t ìnde. t Zal zowiezo n toer worden om lu te vinden dij n zinvolle, op de toukomst gerichte duut in t puutje doun willen.

Zeker is wel dat ter op dit mement nog lu mit ekspertieze binnen. Voak wel al gries en/of koal, mor der is nog potentsie zat om van de kampagne n deursloand sukses te moaken. Der zal wellicht eerst n interne aksie voerd worden mouten, omreden veul lu binnen aigenikkeg en hebben de grode gemaine dailer nait in t oog.

Of zol de kaans dat zo’n kampagne van de grond komt net zo groot wezen as de kaans dat n okster in n vlezze schit?

 
Een reactie plaatsen

Geplaatst door op 25 september 2013 in Columns

 

Tags: , , , , , , , , ,

 
%d bloggers liken dit: