RSS

Maandelijks archief: augustus 2014

Betrokkenhaid

Betrokkenhaid

Foto: AP

de rol van de
machtselite wordt zichtboar
as d’eerste doodskisten
in t twijduuster
groaven vullen

en de dood
slachtovvers òflevert van
filaaine missies dij
in n dikke dook
woarheden verhullen

eltje ©

Advertenties
 
Een reactie plaatsen

Geplaatst door op 31 augustus 2014 in Gedichten

 

Tags: , , , , , , , , , , , ,

Krisismanagement

Krisismanagement

as der aal voaker
en noadrukkelker
n point of no return
benuimd wordt en
dij in urgentsie
stigt mit stip

worden d’obstoakels
om over t dooie punt
hìn te kommen
vakkundeg sloopt en
wordt bittere noodzoak
t sleudelbegrip

eltje ©

 
Een reactie plaatsen

Geplaatst door op 31 augustus 2014 in Gedichten

 

Tags: , , , , , , , , , ,

Wottersnood

Wottersnood

hinderk het
nait veul gelok
mit zien
nije truie

omreden

dij is twij
moaten krompen
deur de zoveulste
regenbuie

eltje ©

 
Een reactie plaatsen

Geplaatst door op 30 augustus 2014 in Gedichten

 

Tags: , , , , , , , ,

Put

Bodenzakking

kaanzen
worden mist en
kaanzen worden
benut

doarom zit
nait elk in de
bevenskontraainen
in de put

eltje ©

 
Een reactie plaatsen

Geplaatst door op 29 augustus 2014 in Gedichten

 

Tags: , , , , , , ,

Kommuniserende voaten

Kommuniserende voaten

n strafrechterleke aanpak
van n radikoal
dij hoat zaait
is juridisch
kompliseerd

n soamenleven dij
aan tolerantsie
ten onder gaait
wordt wellicht
signaleerd

eltje ©

 
Een reactie plaatsen

Geplaatst door op 29 augustus 2014 in Gedichten

 

Tags: , , , , , , ,

BLAT-TINI?

BLAT-TINI?

mit geld smelt
tegenmacht en
tegenstand wordt
deur matchfixing
broken

dus trekken
lu soms de keudel in
as de worst groot
genog is woaraan ze
eerder roken

eltje ©

 
Een reactie plaatsen

Geplaatst door op 28 augustus 2014 in Gedichten

 

Tags: , , , , , , , , ,

Grunnens ontzet

Gronings ontzet

Tiedstieden leden heb k ooit ais n laid moakt over t Grunnens Ontzet. Tekst staait hieronder, t laid is doudestieds bie Radio Noord opnomen en zit doar in t archief. k Heb zulf gain flaauw idee meer hou t laid persies gaait.

STAD HUIL STAND

Zunne schoot heur felle stroalen tussen wolken deur,
Dij kwamen om dele, ruiken Stad en zetten dij in kleur.
Op dizze waarme julidag was t drok boven op de walen,
Bisschop van Munster draaigde eerdoags Stad binnen te valen.

Poorten dij tougang gaven tot Stad wuiren dou votdoadelk sloten,
Knoalen waren dou van levensbelang, dat haar elk dou wel schoten.
Veuraal t Raaitdaip was van pertansie, woapens en eterij
wuiren hierlangs aanvoerd uut t westen, doar waren ze nog vrij.

Vanòf Martinitoren zag men d’eerste ruters kommen.
Al gaauw verscheen der n tìntenkamp mit woapentuug en bommen.
Deure van d’Herepoort wuir aibels slim vernaild,
En menneg braandbom ruik binnen de stadswalen verzaild.
Mor……..

Refr.
Stad huil stand, gaf gain krimp, deurston t striedgewuil.
Stad was staark, dat gaf dou n soamheureghaidsgevuil.
Om Stad te nemen verschoot dou Berend menneg zwoare bom.
Dou stried streden was vertrok de vijand rad mit stille trom.

Grunnegers gaven dou gain kamp, zai huilen kop der veur.
Van Galens staarke legermacht kwam der din ook nait deur.
Auwerderzielster sluzen kwamen dou nait in vijands handen.
Dat was strategisch van belang veur Stad en Ommelanden.

Elke aanval van Bommen Berend was iederbod vergees.
Von Rabenhaupt was oppermachteg, aal wat doar op wees.
Grunnegers deden asmis n uutvaal in t vijandelk kamp.
Berend zien neuze was nait haard, wel rook hai kruut en damp.
Want……

Refraain.

In t leste koos dou Bommen Berend aaier veur zien geld.
Hai luit din ook de moudveren zakken en roemde dou t veld.
Op dizze mooi’augustesdag was d’òftocht vol in gang.
In Stad vierde elk groot feest, mit dans, meziek en zang.

Op t heden wordt d’òftocht van Van Galen aaltied nog herdocht.
Peerdekeuren, haarddroaverijen, en meziek nait uut de locht.
Op Grode Maarkt n kermis, woar hail wat lu veur kommen.
As òfsloeten n mieters vuurwaark, das symbolisch veur dij bommen.
Want……..

Refraain.

Tekst en meziek: Eltje Doddema

 
1 reactie

Geplaatst door op 28 augustus 2014 in Gedichten

 

Tags: , , , ,

 
%d bloggers liken dit: