RSS

Maandelijks archief: december 2014

In vuur en vlam

image

n doavernde dunder
doalt draaigend deel
over stad en ommelaand

n gruin-geel-glìnne gloud
uut potten en pielen
verlicht klaai en zaand

deurdringende dreunen
doun lucht trillen
bie lichten en duusternis

legitimeerd wordt ter
mit vuur speuld
as of der gain mörgen meer is

eltje ©

Advertenties
 
2 reacties

Geplaatst door op 31 december 2014 in Gedichten

 

Tags: , , , , , ,

Pokkeldefekten

Pokkeldefekten

appie was
stoapelgek op
en bezeten van licht-
en knaleffekten

dus foevelde hai
aal zien vuurwaark om
tot schiere
megaprojekten

mit sallegoaren
en paktaauw knuterde hai
d’ingewikkeldste
kunstobjekten

nou is zien leven
verknald en denkt hai
nait licht over
revalidoatsietrajekten

eltje ©

 
Een reactie plaatsen

Geplaatst door op 31 december 2014 in Gedichten

 

Tags: , , , , ,

Afbeelding

Bloudstollend

Bloudstollend

 
Een reactie plaatsen

Geplaatst door op 30 december 2014 in Gedichten

 

Tags: , , , , , , , ,

Ongezond

Zörgverzekern

in duusterdichte
ondeurdringboare bozzen
van zörgverzekeroars
dwoalen lu verdwoasd
en verloren rond

vertwieveld zuiken ze
dekken tegen gevoaren van
grof graaiende tentoakels
van t meedogeloos
monsterverbond

t is
t onhaail dat loert vanuut
ale houken en goaten

in n
schimmeg nevelwoud
van kosten en boaten

eltje ©

 
2 reacties

Geplaatst door op 29 december 2014 in Gedichten

 

Tags: , , , , , , ,

(s)PINnerij

Brinks

chronisch
ontevreden lu
mainen der van alles
uutflappen te
kinnen

terwiel ze
zich as kind
allìnt mor drok muiken
om sukers
pinnen

eltje ©

 
1 reactie

Geplaatst door op 29 december 2014 in Gedichten

 

Tags: , , , , , ,

Stom doof

Vuurpijl

tammo
het zien vuurpiel
uut t oog
verloren

mor vindt
wel blindelings
zien heurapperoat
veur zien baaide oren

eltje ©

 
Een reactie plaatsen

Geplaatst door op 29 december 2014 in Gedichten

 

Tags: , , , , , , , ,

Afbeelding

#WMO

Keukentoavel

 
Een reactie plaatsen

Geplaatst door op 28 december 2014 in Gedichten, Maaljoagerij

 

Tags: , , , , , ,

 
%d bloggers liken dit: