RSS

Tussen de regels deur

04 Nov

Tussen de regels deur

Ook dizze week bleek wel weer dat ter hail wat lu deur de rötten besnuvveld binnen, en wel zo slim, dat ze t “wat-kin-mie-t-volk-verröddekonten virus” oplopen hebben.

Zo was doar aine A v.d. S., n man van stand, dij in Paries even van La Vie genoot. Hai organizeerde n privékonsert in de rezidentsie van de Nederlandse ambassadeur en haar aan n stukje worst en keze nait genog om zien kennizzen te bevredegen. Der wer doarom n smak gemainschapsgeld tegen aan gooid, zodat elk zich doar volvreten kon, wat onder dat soort lu meer gewoonte as uutzundern schient te wezen.

Net as bie plietsietopper B. Dij ging zien bonnenboukje grondeg te boeten en wis op filaaine wieze de, op veurhaand kansloze reorganizoatsie bie de natsionoale plietsie, te manipuleren. Hai profileerde zich veuraal mit kwaliteiten as machtsmisbruuk en fraude plegen. Ook zien COR (ondernemensroad) was (en is) zo röt as n mispel. Soamen deden ze alles wat verboden was om de rötten aan t spek te holden.

En din was doar opains avvekoat A.B. dij bigamie legalizeren wil. Zo as bekend binnen rötten knoagdaaier en zokswat knagt inderdoad aan t gezonde verstand van n nuchtere grunneger. Hai motiveerde zien rötteghaid deur te zeggen dat t aans onder de radar gebeuren zol en dat je din nog verder van huus waren. Lu mit zoksoort gedachten kinnen inderdoad beter zo ver meugelk van ons huus wonen goan.

Mor t zgn. “plaskontrakt” sluig alles. Lu dij in n road van bestuur zitten van, in dit geval Careyn, leven as rötten in n duustere parallelle wereld. As je veur zoks belaaid verantwoordelk wezen duurven, din teun je n grode minachten noar elk dij òfhankelk is van de zörg dij je as instellen levern mouten. Dit soort lu zitten dudelk op t verkeerde stee. Zai binnen nait ains goud genog veur t beheer van n röddeklooster.

In alle gevallen bliekt dat de loag en loagen onder de top in röddevalen vastzitten. Angst regeert doar en zelden duurft aine de deksel van de doofpot te lichten. Ain dij dat wel dut wordt knipt en schoren.

Korrupsie en maffiapraktieken moaken ook van Nederland n verröt laand, woarin lu aan de top de baist uuthangen. t Wordt tied dat je dij baisten bie de noam nuimen…..

eltje ©

Advertenties
 
8 reacties

Geplaatst door op 4 november 2016 in Columns, Eltje Doddema

 

Tags: , , , ,

8 Reacties op “Tussen de regels deur

  1. fietszwerver

    4 november 2016 at 07:59

    is het ook verboden om ratten af te schieten , of op andere wijze te verdelgen 😦

    Liked by 1 persoon

     
  2. Ettje

    4 november 2016 at 10:30

    Even in ’t Nederlands. Ben het volledig met je eens. Kwaad moet je benoemen!! Maar ’t was vooral het zogenaamde plascontract met dementerenden dat me diep schokte deze week. En vooral toen die man van Careyn ook nog de kans kreeg om ’t recht te praten bij Pauw. Wonderbaarlijk, dat niemand hem over de tafel trok en vroeg of hij zelf wel hoorde welke onzin hij eruit kraamde!

    Liked by 1 persoon

     
  3. Gusta Weber

    4 november 2016 at 11:56

    Nog aine: gusteravend was mien Frais noar zien ‘roots’ in Lemmer om as old vakbondsman zien licht te loaten schienen over praktijken in de scheepsbauw. Ik wait t rechte der nait van mor t kopt der op neer dat boetenlandse waarknemens slecht betoald worden en dat belasten aan de Stoat ook nait ofdroagd wordt. En dat al tien joar! Nou ging t over ain scheepswaarf, mor zo binnen der vast en zeker meer.

    Like

     
  4. Gusta Weber

    4 november 2016 at 15:17

    Dank je wel. Ik kreeg al n mooie foto van Biko mit rooske.

    Liked by 1 persoon

     

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s

 
%d bloggers liken dit: