Wie haren dit weekend schiere doagen en der waren, zo as verwacht, veul lu bie t pad: guster was t ja “moederdag” en boetendes waren de stranden slim in trek……
In de media kon je lezen dat idioten en kriminelen “studenten” nuimd worden. t Betreft lu dij zok nog minder gedroagen as baisten, n koppel respektloze en agressieve wilden. In de media nuimen ze dat protestaksies.
De verantwoordelken hebben tegen dit tuig n veul te tolerante holden aannomen. Elk kin waiten dat n waike holden tegen n haarde kern op veurhaand uutdraait op n mislokken. Konsekwent wezen komt bliekboar ìnkeld veur in dure, lievege rapporten, opsteld noa veul te laank geleuter en gekwak. Gezond verstand is doarbie ondergeschikt aan de woanzin van “de zoak”.
t Is triest mor woar. De benuimen ‘student’ verdaint beter…..
KOPSCHRABERIJEN 