RSS

Tagarchief: eltje doddema

Zoveul Vertellen

ZOVEUL VERTELLEN

Eltje Doddema

 
2 reacties

Geplaatst door op 18 juni 2017 in Eltje Doddema

 

Tags: , , ,

Stille Nacht, haailege nacht

Stille Nacht

Stille Nacht, Haailege Nacht via SOUNDCLOUD

Stille nacht, haailege nacht,
Vred’op oard, woar elk op wacht,
As elk mìns of e groot is of klaain,
In elk aander t beste wil zain.
Nait zoveul hoat en nied.
Ains komt ter n betere tied.

Stille nacht, haailege nacht,
t Grootst gelok is n mìns dij lacht.
Loat wie ons mit n kander verdroagen.
Geef wat waarmte as aandern dat vroagen.
t Is toch echt muite weerd
As elk dat van jongs òf aan leert.

Stille nacht, haailege nacht,
Sloap gerust, dreum mor zacht.
Van ain wereld zunder geweld.
Zo as in sprookjes beschreven en vermeld.
k Dou mien best doarveur,
Laifd’en begrip geef ik deur.

Tekst: Geesjen Doddema
Muziek: Franz Gruber

 
3 reacties

Geplaatst door op 24 december 2016 in Eltje Doddema, Gedichten

 

Tags: , , , , ,

Tussen de regels deur

Eltje Doddema

Eltje Doddema

n Beagle van 18,5 cm keek mie, mit zien tonge haalf uut de bek, vanòf n stellen meewoareg aan. t Was net of hai mitkregen haar dat ik mie net vrij wurgd haar uut n kolonne rolstoulen en rolloators; n optocht van grieskoppen mit steuters dij t op dizze nommerdag in de kop kregen haren om in n toensentrum n file te veroorzoaken van de kategorie “stop and go”.

De vraauw en ik haren t in de kop kregen om op dizze middag nog achter wat kerstraive aan te goan. Wie dochten n strategisch tiedstip uutkozen te hebben: onder schoultied en nait op n middag dat ter n workshop “kerststokjes moaken” organizeerd wer. n Middag dat je mit joen aigen kare frank en vrij en van links noar rechts manoeuvrerend joen aigen gang goan konden. Mor wie kwamen dus bedrogen uut. n Strategische miskleun, zo te zeggen.

“Vin jij deze wel schier, Hennie?” n Vraauw in n rolstoule wees op n schoaltje mit kouschietengruine kerstbalen. n Mizzelke kleur woar je op Twijde Kerstdag n modderfiguur mit sloagen zollen as je, ainglieks tegen joen zin in, de femilie nuigd hebben veur wat rakletterij. De steutster van de rolstoule achter heur gaf n antwoord. Mor dij ging volledeg ten onder in de kakafonie dij veurtkwam uut de twijwielers rondom. Nee, schier von ik dij schietkleur nait, net zo min as aal t aandere dioakenraive dat veur n habbekrats in propvolle kontainers vanòf d’aandere kaande van de wereld importeerd was. Man, man, wat ter toch nait aal moakt wer.

Ik haar t wel bekeken en perbaaierde de vraauw te ontwoaren dij stoeken bleven was tussen n koppel grommen dij aal roupend en rerend hìnter en twìnter deur t toensentrum bounderde. Deur aal dat fileleed was t al zo loat worden dat ook t jonkgoud der veur zörgde dat de gangpoaden zo vol wuiren as n potje mit peren.

Ik keek nog ais achterom. Ik haar t idee dat dij stainen beagle van € 21,50 mie uutlagde. Mor dat zol wel verbeelden west wezen, veurtkommende uut onmacht en frustroatsie. Was k mor bie mien aigen beagle thuus bleven. Aine van elf kilo en de rust zulve.

Beagle mos je wezen…….. Beagle

 
11 reacties

Geplaatst door op 2 december 2016 in Columns, Eltje Doddema

 

Tags: , , , ,

Mörgenlicht


wrakken veraandern brandende wegen in voagevuren vol hoat
verminkte gaisten bepoalen de moate van t zinloze kwoad
mìnsen wankeln machteloos in n wereld hail filaain
nait elk zal mörgen gezond en wel t mörgenlicht weer zain

woanzin wint meedogenloos van elk verstandeg woord
t licht aan t ìnd van tunnels komt in veul gevallen te loat
op kreten van hulp in t baalkeduuster reageert gainain
nait elk kin mörgen gezond en wel t mörgenlicht weer zain

t ìnd is veur elk swoar te droagen zunder onderschaaid
soms stoan rozen vergeten te wachten op wel eerder gaait
doagen binnen soms angsteg swoar, want lieden is gemain
nait elk hoopt mörgen gezond en wel t mörgenlicht te zain

mit troanen in de stromende regen is wanhoop nait te sturen
tred wordt swoar, t pad lopt dood tegen kèlle blinde muren
zinloos is t leven as dij vuilt as n blok aan t bain
nait elk wil mörgen gezond en wel t mörgenlicht weer zain

de zun zakt zacht in t twijduuster d’horizon veurbie
de leste waarme zunnestroalen omaarm ik soamen mit die
zo vuilt n perfekte wereld veur groot en ook veur klaain
ik hoop ook mörgen weer soamen mit die t mörgenlicht te zain

 

tekst/muziek: Eltje Doddema ©

 
2 reacties

Geplaatst door op 9 april 2016 in Eltje Doddema

 

Tags: , , , , , ,

Benefietconcert K6 tegen kanker

K6 is een enthousiaste groep die na het overlijden van een dierbare de handen ineen heeft geslagen. Gezamenlijk worden er verschillende acties georganiseerd waarmee geld wordt ingezameld voor een goed doel. Daarbij staat voorop dat iedere euro ook echt naar het goed doel gaat waarbij we ernaar streven om het in iets tastbaars te overhandigen.

Op vrijdag 26 februari was er een benefietconcert in de garnizoenskerk te Oudeschans. Klik op de afbeelding hieronder voor een korte impressie.

 

 
2 reacties

Geplaatst door op 28 februari 2016 in Eltje Doddema

 

Tags: , , , , , , , , ,

Kopschraberijen 6

De nieuwe e-dichtbundel Kopschraberijen 6 is gratis te bekijken en/of te downloaden.

Klik hiervoor op de afbeelding hieronder.

Kopschraberijen 6

Klik op de afbeelding om Kopschraberijen 6 te lezen en/of te downloaden

 
2 reacties

Geplaatst door op 20 november 2015 in Gedichten

 

Tags: , , , , , ,

Kopschraberijen – 5

De nieuwe e-dichtbundel Kopschraberijen 5 is gratis te bekijken en/of te downloaden.

Kopschraberijen - 5

Klik op de afbeelding om Kopschraberijen – 5 te bekijken via Slideshare

Klik hier om Kopschraberijen 5 te downloaden via Dropbox (2,6 MB).

 
6 reacties

Geplaatst door op 10 oktober 2015 in Eltje Doddema, Gedichten

 

Tags: , , , , , , , , ,

 
%d bloggers liken dit: