RSS

Tagarchief: gemak

Pokkelchip

In de Zweedse trein kun je inchecken met een onderhuidse chip….

Pinplicht

onder t mom van
vaaileghaid en gemak
worden de poaden noar t
òfschavven van kontant geld
filaain plevaaid

kontaktloos slenken
din de banktegouden en
wordt ter deur banken
gelegitimeerd digitoal uut
saldo’s graaid

slachtovvers binnen de
rekenholders omreden
kaptoalen worden mit
negatieve rentes
zwoar belast

en op termien dragt elk
n pokkelchip mit doarop
t patiëntendossier mit de
psychische gesteldhaid en
de zundelast

eltje ©

Advertenties
 
4 reacties

Geplaatst door op 17 juni 2017 in Gedichten

 

Tags: , , , , , , , , , , , , , , , ,

Onbedurven

Onbedurven
drok dounde mit vörmkes
en n schepke speult ze
op heur gemak

aargeloos en zörgeloos
kikt ze over de raand
van de zandbak

zai zugt gain wereld
van twij- en meerdailens
woar aan oordailen
veroordailen veuròf gaait

zai ervoart gain blinde hoat
woarbie t gevuil van
daipgeworrelde vijandschop
veur in agenda’s staait

zai herkent gain noar boeten gerichte
onmacht en frustroatsies
dij veurtkommen uut
rankune en wroak

zai vuilt gain òfkeer
en òfgunst jegens aandern
vanuut d’opvatten
aandermans schuld is d’oorzoak

zai kent gain veuroordailen
en ze vuilt zich
op heur gemak

zai is nait verbitterd
want ze lacht
in de zandbak

eltje ©

 
4 reacties

Geplaatst door op 19 maart 2016 in Gedichten

 

Tags: , , , , , , , , , , , , , , ,

Afbeelding

Sorry’s

Sorry's

 
1 reactie

Geplaatst door op 7 oktober 2015 in Eltje Doddema

 

Tags: , , , , , , , , , ,

Lingerie

Lingerie

joarenlaank
was t fermoat van
n string
net genog om n
bel op te glimmen

mor de nijste
trend is de
schoamte
te bedekken en om
sexappeal te dimmen

dus zo wordt
lingerie n
reloatsiedoder
mit aal meer stof
om de kont

want vraauwlu
prefereren aal
meer gemak
en vinden n floddermodel
meer gezond

eltje ©

 
4 reacties

Geplaatst door op 7 juni 2015 in Gedichten

 

Tags: , , , , , , , ,

Chipt

Chipt
aal meer
van t leven
wordt stiekem registreerd
en as bruukboare data uutlezen

aal dichter
op t vel
leggen sensoren vast
wat privacy hait te wezen

t oog
achter Google Glass
is meedogenloos schaarp
mit kèl grèlle kleuren

n identiteit
wordt gewaitenloos stolen
in n wereld
vol cyberdeuren

om reden
van vaaileghaid en van gemak
willen we vrijhaid wel bepaarken

gevolgen
binnen groot as we t veur aaid verlaizen
en wie dit vuilen en maarken

eltje ©

 
Een reactie plaatsen

Geplaatst door op 20 oktober 2013 in Gedichten

 

Tags: , , , , , , , , , , , , , , , ,

 
%d bloggers liken dit: