RSS

Tagarchief: machteloos

Willoos

Eltje Doddema

Advertenties
 
2 reacties

Geplaatst door op 18 juni 2017 in Gedichten

 

Tags: , , , , , ,

Liedensweg

Liedensweg

as de target
van n beoordailoar is
de patiënt zo kostenbespoarend
meugelk te veurzain van
de neudzoakelke middeln

wordt t recht
van n hulpbehuivende patiënt
om t leven te verlichten
mit vouten treden en
is de beul aan t bemiddeln

t verdainmodel gaait din
boven de keuze van de
mainst geschikte protheze en
trekt de vertwievelde patiënt
machteloos aan t körtste ìnd

de schaarprechter bepoalt
de moate en neudzoak
van de medische indikoatsie
en beknibbelt meedogenloos
tot op de leste sìnt

spoaren op patiënten
is krimineel en brengt
levens in gevoar

mor

t systeem der achter
is machteg en wordt laaid
deur de verzekeroar

eltje ©

 
Een reactie plaatsen

Geplaatst door op 17 juni 2014 in Gedichten

 

Tags: , , , , , , , , , , ,

Machteloos

Onmacht

dwang
is n uten van
aigen zwaktes omdat je
nait overtugen kinnen
mit rationele argumenten

onderdrokken
gaait gepoard mit
t goan over lieken
ondanks vreedzoame geschriften
en haailege sakrementen

droagers
van dij bosschoppen
roupen krachten op
om veuruut te goan
in sloavernij

wegen
noar vrijhaid
worden blokkeerd en
dus wordt overleven
n lötterij

eltje ©

 
Een reactie plaatsen

Geplaatst door op 1 juni 2014 in Gedichten

 

Tags: , , , , , , , , , , ,

Macht(eloos)

Machteloos
t volk
kreeg brood
en speulen

en zag
doarnoa soms
puunbulten smeulen……..

eltje ©

 
Een reactie plaatsen

Geplaatst door op 7 maart 2014 in Gedichten

 

Tags: , , , , , ,

Belangen

IMG_1641d’eerde waarmt op
ieskappen smelten
duurzoam gruin geft tegengas

lobby’s binnen machteg
belangen slim groot
industrie het n aigen kas

duurzoame dollars
stromen fossiel
aal veur t ekonomisch gewin

dubieuze transaksies
gruiende vermogens
lössloagen van gemainschopszin

strategische schoakels
ontnemen illuzies
konsumenten binnen machteloos

energie vluit vot
koarten binnen schud
schoades schraiwen grìnzenloos

eltje ©

 
1 reactie

Geplaatst door op 3 augustus 2013 in Gedichten

 

Tags: , , , , , , , , , , , , , , , , , , , , , , , ,

 
%d bloggers liken dit: