RSS

Tagarchief: smartphone

Pokkelchip

In de Zweedse trein kun je inchecken met een onderhuidse chip….

Pinplicht

onder t mom van
vaaileghaid en gemak
worden de poaden noar t
òfschavven van kontant geld
filaain plevaaid

kontaktloos slenken
din de banktegouden en
wordt ter deur banken
gelegitimeerd digitoal uut
saldo’s graaid

slachtovvers binnen de
rekenholders omreden
kaptoalen worden mit
negatieve rentes
zwoar belast

en op termien dragt elk
n pokkelchip mit doarop
t patiëntendossier mit de
psychische gesteldhaid en
de zundelast

eltje ©

Advertenties
 
4 reacties

Geplaatst door op 17 juni 2017 in Gedichten

 

Tags: , , , , , , , , , , , , , , , ,

Online

Eltje Doddema

 
Een reactie plaatsen

Geplaatst door op 13 maart 2017 in Gedichten

 

Tags: , , , , , , , ,

Tussen de regels deur

Eltje Doddema

Eltje Doddema

“Doe mij maar patat!” n Strinde van n wicht geft, zunder van heur smartphone op te kieken, heur bestellen deur. “Ik ook, maar dan wel met een frikandel erbij met veel mayo!” n Kwoajong, even jonger as t wicht, is drok dounde om zien tablet te taaistern. Zo te zain hangt zien leven der vanòf, omreden hai het totoal gain aandacht veur de snokkel dij de bestellen opnemt. In tied bestellen d’ollu dat, wat je in dit etablissement verwachten kinnen, noamelk n pizza.

Dat t nog slimmer kin bliekt even loater: telefoon en tablet dainen veur de patat etende grommen as placemat. Drok sperend vlaigen de vingers van de retinavìnsters noar de borden mit patat hìn en weer. d’Ollu zetten zwiegend heur mezzen en vörken in d’inmiddels gearriveerde pizza’s.

Ik aanschaauw dit tavvereel mit wazende verboazen en zai dat ter aan dij toavel n uur laank gain woord wizzeld wordt. Op t hoogtepunt van dit femilie-etentje zitten ale vaaier de gezinsleden stief te gloepen en te foeveln op heur media-apperoaten. Elk leeft in zien of heur aigen wereld en kontkakt mit mekoar hebben ze nait.

Kontakt…….

t Schient dat mìnsen over t aalgemain aal meer kontaktmiedend worden. Dit fenomeen dut zich ook veur as t op betoalen aankomt. n Gruiend aantal lu vindt t slim handeg om kontaktloos te betoalen. Zunder mit joen pas te “sliden” of te “dippen” willen ze vlot van heur geld òfkommen. Banken propageren dit kontaktloos betoalen vanzulf. t Laifst zain dij dat je joe chippen loaten. Op dij chip stoan din aal joen bankgegevens. Je kinnen bankpazzen en porremonnee din mooi thuus loaten. Makkelk toch!

En aal dij kriminelen din, zeggen ie? Kinnen dij onze rekens din nait plundern? Tuurlek kin dat, en dat gebeurt vast en zeker ook. Der binnen loze gaaien bie. Mor in n kontaktloze soamenleven roaken lu aal verder van huus.

Aalhouwel: soms stappen ze in de buurt toch even n pizzeria binnen………

Makkelk toch!

eltje ©

 
4 reacties

Geplaatst door op 26 november 2016 in Columns, Eltje Doddema

 

Tags: , , ,

Afbeelding

S(ocial) M(edia)

Social Media

 
Een reactie plaatsen

Geplaatst door op 16 juli 2016 in Gedichten

 

Tags: , , , , , , ,

Afbeelding

d’Hoogòfgelaaide

Hoogòfgelaaide

 
Een reactie plaatsen

Geplaatst door op 27 december 2015 in Gedichten

 

Tags: , , , , , , , , ,

Afbeelding

Taikens des tieds

Mobylette

 
1 reactie

Geplaatst door op 27 september 2015 in Maaljoagerij

 

Tags: , , , , , , , ,

 
%d bloggers liken dit: