Geniet

veurbie
gaait t leven
in vlaigende vlocht

dus snoef
de wind en
roek de locht

eltje ©

Bang

n schieterd
kin veur joe
op de loop goan
in volle sprint

mor blift hai stoan
mit de boksem vol
din zuik je zulf wel
n vrizze wind

eltje ©

n drok
op n knop
of ìnkeld n veeg
brengt in t leven veul gemak

t is
voak nait meer
n bewuste ervoaren
zowel boeten as onderdak

de zörg om levenskwaliteit
moaken keuzes milieujuuster

ontoardt dat in òfhankelkhaid
din loert kolle en wordt t duuster

eltje ©

mit geld
wordt geld verdaind
deur loze lu
dij glad profiteren

mit subsidies
en belastenveurdailens
binnen kaptoalen
filaain te genereren

investeren
in duurzoamhaid
levert spekulanten
n hoog rendement

konstruksies
fiskoal legitiem
worden benut
mit veul raffinement

de massa wordt
vermoalen deur
n resezziemeulen en
tot grode wanhoop dreven

mor veur lu
mit vermogen
is t hail normoal om
van de wind te leven

eltje ©

wìnst wenkt
weerdes woaken
woater wuilt
wurms wemeln
wind waait
wad waigt

wereld wint
woar wondern wazen